Lafaek nia kolega, Ikan Dugong ne’e luku iha tasi Dili parte Tasi tolu, Kristu Rei no Behau. Dugong ka Karau Tasi iha potensia ida ba parte rekursu natureza tasi timor nian, tanba nia status atu mohu ona atrai mós turista sira atumai hare besik liutan.
Han Duut Tasi
Dugong luku iha tasi okos hodi buka duut tasi no nata uza nia ibun ne’ebé toos. Mamalia ida ne’e bele tahan iha tasi okos entre minutus 6 no sira sae fali ba leten. Dala ruma sira dada iis ho “hamrik” iha sira nia ikun no ulun iha bee leten.
Haktuir husi nationalgeographic.com animal ho naruk 230-300 centimeres ho todan 230-500 kilograma ida ne’e sai tarjeu ne’ebé fasil ba kasadór costeiros, sira buka nia na’an, mina, kulit, ruin no nehan. Dugong agora sai animal ho kategoria protejidu tanba atu mohu ona, maibe infelismente sira nia populasuan mos kontinua menus.
Balun fiar katak Dugong maka inspira ema uluk sira hodi kria istoria kona ba sereias ka “putri duyung”.
Mai kolega sira ita kontinua proteje ita-nia riku-soin tasi nian liu husi kuidadu ita nia ambiente tasi, Labele soe lixu arbiru!
