Ha’u-nia naran Agrifina Pinto, nu’udar manorin iha EBF 1.2
AN-NUR. Ha’u hakarak fahe esperiénsia kona-ba
Revista Lafaek ne’ebé ha’u uza iha prosesu aprendizajen.
Ha’u hanorin iha eskola ne’e, hahú husi tinan 2011 to’o
agora. Revista Lafaek fahe beibeik iha eskola ne’e,
maibé ha’u ladún uza. Iha tinan 2019, bainhira mosu
pandemia COVID-19, alunu sira ladún ativu iha eskola.
Iha fulan-Fevereiru, maioria eskola taka tanba Estadu
Emerzénsia (EE) no prosesu apendizajen mós la la’o
normál.
Iha fulan-Maiu, ha’u hahú uza Revista Lafaek Ki’ik atu
prepara matéria ba ezame nian liga ba dixiplina Literasia
Tetun hanesan: Alfabetu tetun, forma letra, kompleta
letra no fahe sílaba. Iha dixiplina Matemátika liga ho
adisaun, subtrasaun, multiplikasaun no forma sira. Tanba
iha momentu ne’ebá, matéria atu uza ba prepara pontu
ezame laiha.
Foti Husi Lafaek Ba Manorin, Edisaun 1/2022
