“KONTEÚDU SISTEMA SOLÁR APOIU TEBES HA’U HO HA’U-NIA KANORIN SIRA”
Lafaek nia belun Marciana Domingas Soares, nu’udar manorin iha EBC 1.2.3 das Flores, Aileu.
Iha ami-nia eskola, simu beibeik Revista Lafaek. Tinan ida simu
dala-tolu. Revista Lafaek iha tipu haat (4); Revista Lafaek ba Manorin,
Revista Lafaek Prima, Revista Lafaek Ki’ik no Revista Lafaek ba Komunidade.
Revista Lafaek Prima no Manorin ba edisaun 3/2020, iha mós
konteúdu ko’alia kona-ba Sistema Solár. Tuir ha’u-nia hanoin
konteúdu ida-ne’e, apoiu tebes manorin no kanorin sira.
Ha’u uza Revista Lafaek sai hanesan referénsia hodi hanorin
Sistema Solár ba kanorin sira. Kanorin sira hatudu entuziazmu
ne’ebé boot tebes bainhira estuda kona-ba Sistema Solár.
Sira rasik haree no aprende ona iha sira-nia Revista Lafaek
Prima edisaun 3/2020 nian.
Revista Lafaek tulun tebes manorin no kanorin sira, liuliu
Lafaek Prima edisaun 3/2020 ne’ebé ko’alia kona-ba Sistema
Solár. Durante ne’e, ami la iha livru ruma kona-ba Sistema
Solár. Nune’e ezisténsia Revista Lafaek Prima ho nia konteúdu
kona-ba Sistema Solár tulun tebes ami.
Tuir ha’u-nia hanoin Revista Lafaek ba manorin, iha metodolojia no informasaun oioin sira-ne’ebé apoiu
tebes ami iha prosesu aprendizajen mak hanesan; metodolojia hanorin ne’ebé iha dezeñu no foto
atividade sira.
Ezemplu: Koñese letra, forma sílaba no sura. Ha’u-nia
oan mós hatene lee no sura tanba aprende husi Revista Lafaek Ki’ik”.
Bainhira simu Revista Lafaek ba Manorin, ha’u lee
beibeik konteúdu sira-ne’e. Tanba interesante no ha’u gosta tebes.
