Ha’u-nia naran Brigida Gomes Pereira no
ha’u-nia profisaun hanesan polísia, maibé ha’u
mós hanesan pilotu aviaun.
Pilotu aviaun maka kondutór aviaun nian, ne’ebé nia knaar mak atu
lori semo aviaun husi fatin ida bá fatin seluk.
Atu sai pilotu presiza aprende barak iha
matemátika, fízika, lian inglés no treinamentu
iha pilotu nian. La’ós ne’e de’it, maibé presiza
mós tilun ne’ebé rona di’ak, konsentrasaun ne’ebé
di’ak, hanoin ne’ebé pozitivu no mentál ne’ebé
di’ak, hodi nune’e bele hadook ita husi risku lori
aviaun nian.
Durante treinamentu prátika iha nasaun
Filipina, ha’u bele lori ona aviaun oin 3.
Ha’u sente ne’e hanesan milagre ida tanba
Timor-Leste seidauk iha pilotu barak. Agora
daudaun iha pilotu feto na’in 3 no balu sei bá
aprende tan.
Husu ba alin feto no mane Timór laran tomak,
labele ta’uk atu mehi sai pilotu, tanba liuhosi
aviasaun bele ajuda ita atu haree mundu hodi
bele halo mudansa iha hanoin ba futuru
Timór nian.
Foti Husi LP, Edisaun 2/2016
