Oinsa Ho Lee Bele Ajuda Labarik Sira

Lafaek nia belun sira, iha liafuan murak ida ne’ebe dehan “Livru maka Janela ba Mundu”.

Bainhira ita badinas lee ita sei hateneno aprende liutan kona ba saida deit, liliu baihira ita komesa husi ki’ik oan. Ba sira ne’ebé iha alin ka oan mai ita kuda no halo abitua sira atu lee barak, tuir mai razaun sira tanbasa lee barak bele ajuda ita, mai ita lee hamutuk.

Tur ho livru fó-oportunidade ba labarik sira atu nonok no kalma
Tanba baninhira sira lee livru sira nia matan, tilun no kakutak halo koordenasaun hodi bele hetan resultadu masimu.

Istória bele estimula imajinasaun no halimar
iha mundu kriansa, imajinasaun nu’udar parte importante ba sira nia desenolvimentu. Ba labarik idade eskola nian, sira nia imajinasaun iha intensidade ne’ebé aas tebetebes tan ne’e labarik sira bele dekor ho di’ak. Iha periodu ne’e duni ita tenki estimula sira nia imajinasaun liu husi istoria.

Lee hamutuk fó oportunidade ba inan-aman atu kria ligasaun ho sira nia oan
Alende ne’e bainhira ita lee hamutuk ho labarik bele aumenta sira nia konfiansa no fó oportunidade hodi bele korije sira nia pronúnsia liafuan no habelar liu tan vokabulariu.

Istória motiva labarik sira hakarak hatene (kuriosu)  no halo diskusaun 

Importante tebes mós ba labarik hodi iha attitude kuriosu iha sira nia edukasaun. Sira nia kuriosu ne’ebé boot bele motiva sira hodi hakarak aprende buat fóun. Sira bele halo ho entusiasmu. Albert Einsten, sientifiku famousu ida ne’ebe mós iha kuriosidade ne’ebe boot.

Livru fó inspirasaun, hanoin no refleksaun

 

Livru no istória bele ense labarik sira nia hanoin ho koñesementu

Mai Enkoraja Ki’ik Oan Sira Hodi Lee