1. Stephen Hawking – Englatera
Halao knaar nu’udar Físico Teórico, cosmologista, autór no diretór ba peskiza iha The Center for Theoretical Cosmology within the University of Cambridge.
Iha idade 21 nia hetan diagnostika kona moras Amythropic Lateral Schlerosis (ALS) ho liafuan simples-nervos ne’ebé kontrola nia muscólus sei mate.
Nia hahu uza nia kadeira rodas wainhira nia idade 27 no lakon nia lian iha idade 42. Situasaun ne’e halo nia labele hala’o nia servisu.
Ho ajuda husi California Computer Programming hodi kria programa ba nia atu halo movimentu husi kadeira roda ne’ebé kontrola husi movimentu matan no ulun.
Inovasaun ne’é mós ajuda nia koalia liu husi sensor ne’ebé kontrola nia muscolo iha hasan.
Maske ho situasaun ne’e nia kontinua hakerek artigu kona ba sientifiku no seluk tan.
Iha loron 14 Marsu 2018, mundu rona notisia nebe triste tebes- Sr. Stephen ho idade 76 mate tanba moras ne’ebé nia simu kuaze tinan 50 ne’e.
2. Nick Vujicic- Australia
Bainhira moris mai, nia iha difisiente iha liman no ain tanba kona moras tetra-amelia syndrom.
Ho kondisaun ne’e nia hetan presaun maka’as husi nia aan rasik no mós ambiente, maibe presaun ne’é neneik-neneik komesa lakon no halo nia konsege finaliza nia estudu iha universidade.
Agora dadun Nick sai motivador ba disabilidade iha mundu tomak. Nick forma ona familia no iha oan ida.
3. Stevie Wonder – Amérika
Stevie -hanesan difisiente iha matan desde nia sei ki’ik halo nia labele halo buat barak. Maibe nia familia deskobre katak nia iha talentu iha muzika.
Maske nia labele hare maibe ninia sensibilidade ba muzika maka’as tebes, ne’ebé halo nia sai artista famousu no ema hadomi los nia.
Stevie manan premio Grammy (kompetisaun muzika iha Amerika) liu husi dala 20. Prestasaun ne’ebé incrivel tebes ba ema ne’ebé iha dsituasaun hanesan nia.
4. Anthony Robles – Amérika
Maske iha ain ida deit (difisiente iha ain) Iha idade 27 nia sai nu’udar atleta luta livre no bele sai vencedores iha ninia kompetisaun, Iha tinan 2012 liu-ba Anthony hetan premiu “The Most Courageous athlete award ”.
5. Marla Runyan – Amérika
Atleta ne’ebé difisiente matan primeiru maka halai iha Olimpiade.
Desde idade tinan 3 Marla tuir desportivu oin-oin, hanesan ginástica, nani no joga bola. Bainhira nia labele hare ona, nia komesa fali iha halai.
Marla sai atleta reprezenta Amerika iha olimpiade 2004 iha kompetisaun halai 5000 metrus ho durasaun minutu 15 ba okos.
Agora dadaun Marla servisu nudar manorin iha Perkins Schol for the Blind” eskola famousu iha Amerika ba ema ne’ebé difisiente matan. Nia mós hanorin kona ba teknolojia no sai treinador halai nian no motivador.
6. Doutór Gregory Snyder – Englatera
Bainhira iha idade 26 dr. Gregory tenki lakon nia abilidade hodi la’o tanba monu bainhira nia halo ezersísiu ne’bé halo nia ruin kotuk tohar. Kondisaun ne’e halo nia ain paralisia no tenki uza kadeira roda durante nia moris tomak.
Depois hetan rehabilitasaun tinan 1, dr. Gregory finaliza nia estudu no sai médiku iha Hospital ida iha Boston, Amerika.
Nu’udar Timor oan ita tenki orgullu tanba ita nia atleta defisiente Teofilo Freitas no Madalena dos Santos Pereira sai mós inspirador ba joven hotu ne’ebé hetan medalla osan mean 2 no medalla bronze ida iha ASEAN Paralimpic Games 2018 iha Jakarta-Indonézia.
