Anoi, Riko ho Mimi halimar iha Ajai sira-nia to’os.
Bainhira subar hela, derrepente Riko rona manduku
lian, “Kok..kok..ko!” Ho ta’uk, nia haksoit no halai.
Sira hotu ta’uk, ho barani Ajai hakbesik bá kaer manduku ne’e.
Kaer tiha manduku, ho kontente sira lori manduku
bá hakiak iha uma.
Sira haree manduku nia isin komesa krekas. “Manduku
hamlaha karik?” Ajai dehan. Ho nune’e sira fó hahán
ba manduku, maibé manduku lakohi han.
Teki-teki Bidoe ho Lafaek Prima mai no Ajai hato’o
problema ne’ebé maka sira hasoru no Bidoe hatán,
“Manduku lakohi sulan, nia hakarak moris ho nia
kolega sira seluk.”
Ho nune’e sira hotu konkorda atu husik fali manduku ne’e. Lafaek Prima dehan, “Manduku bele
moris iha bee laran no mós moris iha rai-maran, maibé ita labele kaer no sulan sira. Ita tenke hadomi
animál sira hotu.” Ikusliu sira bá husik fali manduku ne’e hamutuk ho ninia kolega sira seluk.
