Iha tempu uluk Lekirauk ho Lenuk halo belun di’ak. Iha
dadeer ida, sira hamoos du’ut to’o meiudia no sira mós
hamlaha ona. Sira na’in-rua komesa bá buka
ai-han. Lekirauk haruka Lenuk bá buka ai-han. Lenuk dehan,
“Belun, ha’u so bele buka ai-han iha tasi laran de’it.” Lekirauk hatán,
“Belun, bainhira mak Ó to’o tasi ita mate ona.”
Lenuk dehan, “Belun, Ó mak iha liman naruk no matan
kro’at,
hakat bá to’os besik, ita hodi haree saida mak
iha laran.” Lekirauk mós bá to’os ne’e. Nia
haree ai-dila tasak laiha, no nia bá fali haree
hudi hun barak no haree tasak barak loos.
Lekirauk sa’e ba han to’o bosu, foin maka nia
bolu nia belun Lenuk.
Nia han tiha hudi isin, nia so’e hudi kulit ba
Lenuk. Lenuk husu tan, nia han tiha hudi sorin
no fó sorin de’it ba lenuk. Lenuk dehan, “Ó halo
hanesan ne’e beibeik, ha’u sei bolu to’os-na’in atu
mai kaer Ó.” Lekirauk la fiar Lenuk nia liafuan.
Lenuk bolu, “To’os-na’in rona mai, Lekirauk na’ok
imi-nia hudi!”
To’os-na’in mai Lekirauk halai ba subar tiha. Lenuk
dolar tama hela ba iha kumbili-tahan.
To’os-na’in buka tun sa’e la hetan. Derrepente, kumbili
nia kain bokan, haree ba Lenuk ida maka subar hela.
Lafaek ba Komunidade Edisaun 2/2020
Lenuk dehan, “Ha’u la sala ida, Lekirauk maka na’ok imi-nia hudi.”
To’os-na’in kaer tiha Lenuk no kesi hela iha uma sorin.
Kalan ida, Lekirauk mai. Nia kore tiha tali
husi Lenuk no nia kesi fali nia an.
Dadeersan, to’os-na’in hakfodak haree
Lekirauk maka kesi hela.
Lekirauk dehan, “Hei he ho, Ha’u
Leki matan kro’at maka ne’e,
lori tudik kro’at mai ona. Ha’unia mate fatin mak ha’u-nia
ikun.” Sira foin besik mai,
Lekirauk haksoit sai
husi tali no halai tiha.
Lekirauk ba hasoru
Lenuk dehan, “Di’ak liu
ita bá halo to’os mak
ita han, labele na’ok
tan ona.” Sira mós bá
fali sira-nia fatin, atu
halo to’os no sira hetan
ai-han barak.\
