Maria Vitória da Costa Borges ne’ebé koñesidu ho naran MARVI, nia maka kantora famazu iha Timor-Leste. Nia moris iha Dili, 11 Fevereiru, 2001.
Nia inan naran: Cristina da Costa no nia aman naran: António Borges.
Desde ki’ik MARVI gosta ona kanta. Nia hahú kanta bainhira tinan 3, no MARVI mós deskobre nia talentu
liuhosi kompetisaun múzika ne’ebé realiza hosi UNICEF, bainhira nia sei hela iha kampu refujiadu iha Igreja Motaél, iha 2006.
Maski mai hosi família ne’ebé simples , maibé nia lian ne’ebé furak hodi inspira ema hotu.
Atu hadi’a di’ak liután nia talentu, MARVI partisipa iha kompetisaun múzika oioin. Iha tempu ne’ebá,
kompetisaun ne’ebé famozu iha Dili maka Jovens Super Star. Dala barak nia lakon duké manán, maibé nia
la deziste. Nia partisipa iha kompetisaun múzika iha tinan-tinan. To’o iha 2016, nia sai manán-na’in ba
kompetisaun múzika ne’e.
Ninia talentu sai di’ak liután bainhira nia reprezenta Timor-Leste ba partispa kompetisaun Dangdut
Academy Asia 2. Hahú hosi eventu ne’e, MARVI sai famozu tanba nia hetan 4o lugar.
Bainhira nia fila mai Dili, Timor-Leste , ema hamutuk liu 1.000 maka bá hasoru iha aeroportu.
Previléjiu ka bensaun ba nia bainhira ema barak bá hasoru.
MARVI mós sai manán-na’in ba kompetisaun múzika iha Portugal, ne’ebé
hanaran THE VOICE PORTUGAL, hanesan 1o lugar, iha dezembru 2018.
Agora ema barak maka koñese nia hanesan kantora famozu ba múzika
iha Timór, iha mós Portugál, Indonézia, Inglaterra, Austrália, Koreia no
nasaun sira seluk ne’ebé Timór-oan sira hela ba. MARVI famozu hanesan
artista mundiál Celine Dion, Mariah Carey no Ariana Grande.
Foti Husi: Lafaek Prima, Edisaun 2/2021
