Lafaek nia Belun sira, Mai ita hatene intrumentu muzikál Timor nian ne’ebé uníku, karik ita hatene oinsa atu toka instrument hirak ne’e?
1. Rama
Instrumentu ne’ebé ita toka liu husi huu. Intrumentu ida ne’e ita bele hetan iha illa Atauro. Rama iha lian rua, lian neneik ne’ebé tokador toka bainhira la’o ba serbisu iha toos no lian lalais hodi akompaña tebe dai.
2.Tambor
Instrumentu percussão ida ne’e halo husi karau nia kulit no toka husi Mane sira iha serimonial kultural hanesan simu bainaka.
3.Baba-dook
Halo uza bibi nia kulit dala ruma mos halo uza niki nia liras ka karau nia rins. Babain Feto sira maka toka hodi akompaña ho bidu Likurai.
4.Bano
Halo husi metal no modelu kabuar kiik oan no kesi hamutk no tau iha ain, uza hodi akompaña ho baku gong hodi bidu. Babain uza ba serimonia kultural hanesan simu bainaka.
5.Gong
Iha modelu rua gong ki’ik no gong boot no feto sira maka babain toka ho ritmu hanesan ho bano. Gong ki’ik toka ho tempu ne’ebé lalais no gong boot ho tempu naton. Ritmu atu baku gong entre parte leste no oeste la haesan.
6.Karau Dikur
Intrumentu nee halo duni husi karau nia dikur, babain huu iha uma adat no liuurai nia uma hodi bolu komunidade sira ou fo hatene kona ba eventu boot ruma. Karau Dikur mos huu akompaña ho bidu lulik no bidu sira seluk.
7.Lakadou
Muzika perkusi ida ne’e halo husi bamboo no modelu hanesan tabung. Toka hodi akompaña ho tebe dai.
