Revista Lafaek ba Komunidade hanesan Revista
ne’ebé fahe ba inan-aman sira ne’ebé iha área rurál.
Informasaun ne’ebé iha Revista laran ko’alia kona-ba
oinsá loke negósiu ki’ik, aprende lee no hakerek no
mós informasaun báziku seluk ne’ebé tuir komunidade
nia moris loroloron.
EBF 123, lokaliza iha Suku Manuleu, Postu Administrativu
Metinaru, Munisípiu Dili.
Manorin sira husi eskola EBF 123 Manuleu, prátika reseita
es buah, hamutuk ho kanorin sira iha eskola. Iha biban
ne’e, manorin sira mós konvida inan-aman husi kanorin
sira hodi partisipa no aprende hamutuk.
Atividade ida-ne’e, hala’o hodi suporta atividade
ekstrakurikuler iha eskola.
Direitór eskola haktuir katak, “Iha loron sábadu
dalaruma ami prátika atividade sira iha Revista laran
hamutuk, tanba informasaun ne’ebé iha Revista fó
benefísiu ba kanorin, manorin no liuliu inan-aman sira.”
Maske Revista Lafaek ba Komunidade fahe ba inanaman
sira maibé, konteúdu balu iha Revista laran inanaman
sira bele uza hodi serbisu hamutuk ho manorin
sira hodi suporta kanorin sira iha prosesu aprendizajen.
“Ha’u no Manorin sira, sempre enkoraja kanorin sira
atu prátika atividade sira ne’ebé iha Revista Lafaek
nia laran hamutuk ho sira-nia inan-aman tanba bele
ajuda hasa’e sira-nia koñesimentu no kriatividade.”
Kanorin sira sente kontente tebes tanba bele hala’o
prátika es buah no tempe hamutuk ho sira-nia inanaman
no kolega sira iha eskola. Hafoin remata prátika
es buah, sira hotu bá fase liman hodi koko es buah
ne’ebé sira prátika hamutuk ona.
Manorin no inan-aman sira mós kontente no atividade
ne’e la’o di’ak, tanba ema hotu-hotu bele aprende
hamutuk.
Ami-nia mensajen:
“Husu ba inan-aman sira, atu kuidadu Revista
no sai na’in ba Revista ne’e rasik. Tanba husi
Revista ida-ne’e, ita bele aprende buat oinoin
hamutuk ho ita-nia oan sira.”
Foti Husi: Revista Lafaek Ba Komunidade, 2/2018.
