“Lideransa ne’ebé di’ak presiza fiar an no fiar mós ba
nia membru sira.” Ida-ne’e maka liafuan murak husi
mana Silvia. Mana Silvia hanesan jestór ba
treinamentu iha Ra’es Hadomi Timor Oan (RHTO).
Mana Silvia dehan, “Atu sai lideransa ne’ebé di’ak,
la’ós haruka de’it, maibé presiza hatene membru
sira-nia hakarak no fó tulun ba malu.”
Mana hahú serbisu hanesan voluntáriu ka serbisu
gratuita de’it, tanba hakarak hetan matenek. Tanba serbisu
di’ak, nia mós hetan fi’ar hodi serbisu iha administrasaun no ofisiál kampu.
Ikusmai, sai xefe ka jestór ba programa ida.
Mana Silvia luta ba direitu ema ho kondisaun difisiente, liuliu feto difisiente sira.
Nia sente orgullu, tanba Governu Timor-Leste hahú ko’alia kona-ba asuntu
difisiente iha Parlamentu Nasionál. Nia dehan, “Ita mós hetan tulun ka apoiu husi
Governu Austrália. Ita nafatin luta atu governu asina konvensaun ba direitu ema
ho difisiente.”
Lia-menon:
“Ba alin sira, liuliu ba sira ne’ebé difisiente, atu hetan susesu, labele moe, no tenke fiar
an no luta nafatin atu bele atinji imi-nia mehi.”
“Ba komunidade no família, labele halo diskriminasaun ba ema difisiente tanba ita hotu
iha direitu hanesan. Fó mós oportunidade ba sira hodi partisipa iha dezenvolvimentu.”
Foti Husi: Lafaek Prima, Edisaun 1/2020
