Heliodoro de Jesus nu’udar manorin iha EBF 1.2 Colocau, EMIS 266, Alas, Manufahi.
Revista Lafaek ne’ebé ami simu dala barak, fahe ba ami manorin, kanorin no inan-aman ka
komunidade sira. Liuhusi ida-ne’e ami mós uza metodolojia hanorin ne’ebé iha livru Lafaek nia laran
kona-ba, Literasia Tetun, Literasia Portugés, aprende oinsá forma fraze, kompleta fraze sira iha fatin
mamuk, pontuasaun, kompleta liafuan liga ho imajen, lee istória badak, kompleta fraze ho verbu.
Iha Matemátika aprende kona-ba adisaun, divisaun,subtrasaun no
multiplikasaun. Iha Siénsia Naturál aprende kona-ba ambiente no
animál ninia moris hanesan; Iha ai-leten, rai-maran no tasi laran. Iha Saúde
aprende kona-ba uza bee ho di’ak, kuidadu tilun, hariis no fase liman
beibeik ho sabaun.
Benefísiu ne’ebé ami hetan husi Revista Lafaek mak hanesan; Tulun ami
atu bele dezenvolve di’ak liután ba labarik oan sira, ho dezeñu ne’ebé
iha, bele halo tuir. Labarik sira mós gosta liu Livru Lafaek, hodi hatene lee
ho di’ak liután.
Ami agradese ba Ita-Boot sira hotu ne’ebé tulun ami
liuhusi Revista Lafaek
