Sra. Anita da Costa hanesan inan ba alin Aldo ne’ebé ho kondisaun
defisiente.
Antes ne’e Aldo lakohi bá eskola tanba hetan goza hosi nia belun sira,
hodi halo nia moe no ta’uk.
Liutiha tinan ida, Aldo hahú bá fali eskola tanba ha’u fó korajen ba nia,
hodi dehan, “Labele moe no ta’uk tanba defisiente. Ó-nia limitasaun sai
hanesan ó-nia forsa, ho nune’e ó tenke bá eskola. Bainhira ó eskola bele
atinji ó-nia mehi sira-ne’ebé ó hakarak.” Liuhusi motivasaun ne’ebé nia
amá fó mak Aldo agora klase 4o ona.
Sra. Anita fó agradese ba Care Internasionál iha Timor-leste liuhosi
Revista Lafaek no kolabora hamutuk ho RHTO (Ra’es Hadomi Timór Oan)
maka bele lori Aldo bá hasoru Doutora Isabel Ruak Ferreira, hodi
dada-lia. La’ós ema hotu iha oportunidade hodi hasoru figura públiku
sira-ne’e.
Aldo mós kontente ho fiar an loos tanba nia belun no manorin sira hasé
no besik ba nia hafoin haree nia iha televizaun. Sra. Anita dehan
“Hanesan inan, ha’u mós sente kontente tebes tanba ho Aldo, ha’u mós
bele hasoru hodi ko’alia ho lideransa feto ida hanesan Doutora Isabel
Ruak Ferreira.”
Mensajen:
Husu ba inan-aman sira suporta nafatin oan maski ho kondisaun defisiente,
hodi bá eskola. Labele husik sira-nia limitasaun sai hanesan bareira hodi atinji
sira-nia mehi.
Foti Husi: LBK, Ed. 1/2021
