[vc_row][vc_column width=”1/4″][vc_widget_sidebar sidebar_id=”nd_options_woocommerce_sidebar”][/vc_column][vc_column width=”1/2″][vc_column_text]
Alkol no COVID-19: saida mak ita presija hatene?
[/vc_column_text][vc_column_text]
Bainhira enfrenta pandemia COVID-19 (moras virus corona fkan), nasaun sira iha mundu tenke foti asaun forte atu hapara virus ne’e hada’et. Iha sirkuntánsia krítiku ne’e, importante ema hotu informadu kona-ba risku no perigu saúde sira seluk atu nune’e sira mantein seguru no saudavel.
Faktu xave tuir mai fó informasaun importante ne’ebé ita tenki hatene kona-ba konsume alkol no COVID-19. Informasaun hirak ne’e diskute, informasaun sira, informasaun ne’ebé la loos ne’ebé espalla iha média sosiál no kanál komunikasaun sira seluk kona-ba alkol no COVID-19.
Pontu importante liu atu hanoin:
Konsume alkol sei la proteje ita hosi COVID-19 ka
prevene ita infetadu hosi COVID-19
Faktuxave sira kona-ba alkol no ita-nia isin-lolon
Ethyl alcohol (ethanol) mak substánsia kontein iha bebida alkóliku ne’ebé responsavel ba maioria risku ne’ebé mosu tanba konsume, la haree ba konsumu iha forma tua, serveja, spirits ka kualkér buat ruma.
Infelizmente, substánsia venenu sira seluk ne’ebé mak iha iis hanesan ethanol bele aumenta iha bebida sira ne’ebé mak prodús informál ka ilegál; bele iha posibilidade kontein iha produtu alkóliku sira ne’ebé mak la intende ba ema atu konsumu; hanesan dizinfentante liman nian. Subtánsia adisionál hanesan methanol bele iha risku grave maski ho kuantidade ki’ik ka bele rezulta iha defisiénsia matan no moras rins, entre problema sira seluk. Tuir relatóriu no fonte anektodal sira, mate sira relasiona ho konsumu produtu alkóliku sira, tuir fiar ne’ebé la loos katak konsumu alkol bele fó protesaun kontra virus, akontese ona iha nasaun balu durante pandemia COVID-19.
Tuir mai faktu jerál ne’ebé ita tenke hatene kona-ba konsumu alkol no saúde:
- Alkol iha efeitu, ba tempu-badak no tempu-naruk, ba kuaze iha kada orgaun hosi ita-nia isin-lolon. Jeralmente, evidénsia sujere katak laiha “limitasaun seguru” – iha realidade, risku estragus ba ita-nia saúde aumenta bainhira konsumu kada bebida alkol.
- Uza alkol, liu-liu uza ho kuantidade barak liu, hamenus sistema imunidade no ne’e duni redús abilidade atu kontra moras infesiozu.
- Alkol, maski iha kuantidade ki’ik, bele kauza tipu kankru balun.
- Alkol muda ita-nia hanoin, julgamentu, foti-desizaun sira no hahalok.
- Alkol, maski iha kuantidade ki’ik, iha risku ba bébe ne’ebé seidauk moris iha kuaklér tempu durante isin-rua.
- Alkol hasa’e risku, frekuénsia no severidade hosi akontese violénsia ema-ba-ema, hanesan violénsia ho parseiru ìntima, violénsia iha joven sira, abuzu ba ema idozu sira, no violénsia hasoru labarik sira.
- Alkol hasa’e risku ba mate no kanek hosi asidente tráfiku tranzitu, mkat no monu.
- Uza alkol ho kuantidade barak hasa’e risku ba sindroma distresse respiratóriu aguda (ARDS), komplikasaun grave ida hosi sira seluk hosi COVID-19.
Mitu jerál kona-ba alkol no COVID-19
Mitu: Konsume alkol estraga virus ne’ebé kauza COVID-19.
Faktu: Konsume alkol sei la destroi/hamate virus, no bainhira konsume iha tendénsia atu hasa’e risku sira ba saúde se ema ne’e infeitadu ho virus. Alkol (ho konsentrasaun volume 60%) funsiona hanesan dizinfentate ba ita-nia kulit, maibé laiha efeitu ba ita-nia sistema imunidade bainhira konsume.
Mitu: Hemu alkol ne’ebé forte hamate virus ne’ebé hada’et hosi anin.
Faktu: Konsume alkol sei la hamate virus ne’ebé hada’et hosi anin; ida-ne’e sei la dizinfenta ita-nia ibun no garganta; no ida-ne’e la fó protesaun kontra COVID-19.
Mitu: Alkol (serveja, tua, spirit distiladu ka alkol herbál) estimula imunidade no rezisténsia ba virus.
Faktu: Alkol iha efeitu estraga ita-nia sistema imunidade no sei la estimula imunidade no rezisténsia ba virus.
Informasaun klaru liu-tan bele hare iha link ida ne’e: Alcohol-and-COVID-19-what-you-need-to-know-TET
[/vc_column_text][/vc_column][vc_column width=”1/4″][vc_widget_sidebar sidebar_id=”nicdark_sidebar”][/vc_column][/vc_row][vc_row][vc_column][/vc_column][/vc_row]
