Bani been
Hemu bani-been kahur ho derok bainhira me’ar
metin iha kakorok, bani-been bele ajuda halo mamar ita-nia kakorok.
Da’an ai-lia no hemu atu ajuda dada-iis ho di’ak.
Lis-mean
Lis-mean hanesan ai-moruk atu hatún isin-manas ba labarik sira.
De’ut liis-mean no kose ba isin tomak. Liis-mean mós bele hatún bubu.
Du’ut-morin
Du’ut-morin mak ai-moruk atu hatún tensaun.
Du’ut-morin mós ajuda ita-nia kakutak tanba
bele hatún nervozu. Tuku u’ut-morin halo dodok no tau ba
bee-manas hemu hanesan xá.
Malus Tahan
Malus bele halakon katar tanba moras
ran-mutin ba feto sira. Da’an tiha no fase oin lulik
loron ida dala 3 ka 4.
Sé liu loron tolu maka ladi’ak,bá konsulta iha klínika ne’ebé besik.
Foti Husi: Lafaek Ba Komunidade (LBK 3/2015)
