Fernando Maria Lopes nu’udar manorin iha EBF 1.2
Aidantuik, EMIS 841, Suai Vila, Covalima. Tuir ha’u-nia
hanoin, Revista Lafaek importante tebes ba manorin
no kanorin sira, tanba iha maneira no métodu barak
mak ami hetan husi Revista Lafaek.
Konteúdu barak liu mak iha ligasaun ho kurríkulu
Edukasaun. Benefísiu barak husi Revista Lafaek tulun
manorin hodi halo planu lisaun ho di’ak. Kanorin sira
mós hatene hakerek, lee no konta ho lailais.
Literasia aprende jogu kona-ba son husi letra no
kriatividade. Revista Lafaek tenke kontinua nafatin ba
ami hodi tulun manorin no kanorin atu aprende di’ak
liután. Maka ne’e de’it la haluha hato’o mós ha’u-nia
obrigadu barak ba membru tomak husi Revista Lafaek.
Graziela Lopes nu’udar manorin iha Pre-eskolár Pe.
Antonio Eduardo Brito, EMIS 1292, Remexio, Aileu.
Tuir ha’u-nia hanoin Revista Lafaek di’ak no nia vantajen
boot ba manorin no kanorin sira, hodi uza Revista Lafaek
iha prosesu aprendizajen.
Konteúdu sira-ne’e mós liga hela ho planu sesaun.
Hanesan manorin, ha’u kontente tebes tanba atividade
barak mak ami aprende husi Revista Lafaek hanesan;
Oinsá kria materiál didátiku, instrusaun sira klaru tebes.
Benefísiu ne’ebé ami hetan husi Revista Lafaek mak
hanesan; Ami aprende lian portugés, tetun,matemátika
no istória sira. Revista Lafaek tulun tebes manorin no
kanorin sira iha tempu naruk.
Alcina de Oliveira nu’udar manorin iha Pre-eskolár Bermoli 7
de Dezembru, EMIS 1651, Maubisse, Ainaro. Revista Lafaek ne’e
kapás, hodi tulun ha’u iha atividade aprendizajen, tanba
interesante no simples tebes. Iha mós metodolojia oioin. Iha
atividade barak ne’ebé bele aumenta ha’u-nia koñesimentu no
kapasidade, maibé la’ós ba ha’u manorin de’it maibé ba mós
kanorin sira hotu.
Ha’u baibain uza dezeñu hanesan; Pinta manu, busa,
númeru sira, sura sasán, forma jeométria báziku no literasia fasil
tanba liafuan liga ba ilas, hodi aprende son husi letra.
Iha mós kriatividade, tulun manorin sira hodi introdús materiál
oioin ne’ebé iha karakterístika bele haree. Revista Lafaek ba
manorin sira iha pájina 12 no iha mós kriatividade kona- ba
kolajen. Hikar no tesi bele sai sasán ne’ebé furak.
Tuir ha’u-nia hanoin benefísiu ne’ebé mak ha’u hetan, Revista
Lafaek tulun tebes manorin sira iha prosessu aprendizajen, tanba
Revista Lafaek iha konteúdu ne’ebé barak, maka liga ho planu
sesaun, tanba instrusaun ne’ebé klaru, simples interesante ba
manorin no kanorin. materiál didátiku, la susar atu buka hodi
hala’o aktividade
