Belun manorin sira, mai ita halo reflesaun ba istória tuirmai hodi buka nia solusaun.
Iha eskola ida, kanorin ida naran Maria. Maria kanorin ida-ne’ebé badinas, matenek, sempre hetan
valór di’ak no nunka tarde mai eskola. Iha loron ida, Maria hahú tama eskola tarde, nia hahú,
tuur-mesak, nonok no la ko’alia ho kolega sira. Hahalok ida-ne’e kontinua beibeik. Nia sempre mai
tarde hodi atrapalla atensaun kolega sira seluk. Manorin mós lakon fiar no la preokupa ho
Maria, tanba atitude ne’e kontinua nafatin, manorin fó sansaun ba nia hanesan; Hamoos sentina no
rega ai-funan. Ikusmai manorin mós kolen ona tanba fó sansaun beibeik maibé laiha
mudansa ba Maria nia atitude.
Matadalan hodi hetan solusaun:
- Rona ho Ativu
- Husu tuir problema saida maka Maria hasoru
- Labele julga Maria tanba seidauk hatene Maria nia problema ho klean
- Analiza Maria nia problema
- Halo asaun hodi suporta no fó motivasaun ba Maria
- Manorin fó hanoin ba kanorin sira atu labele julga Maria.
Konkluzaun:
Bainhira kanorin ida, hasoru problema manorin labele julga, maibé koko atu hakbesik an ba
kanorin ne’e, atu buka hatene problema saida maka nia hasoru, hodi buka solusaun hamutuk.
Buka rona nia hodi komprende no fó nafatin motivasaun.
