Mauno ho nia belun sira
tuur halimar iha kampu
ninin. Sira sente anin-boot
huu ai-tahan sira semo
ba mai.
Mauno hanoin hela,
“Hmm… ita halo papagaiu
de’it, anin huu kapás loos.”
Mena hatán, “Loos ona,
mai ita halo papagaiu.”
Mauno husu, “Atu halo
papagaiu, ita uza sasán
saida de’it? Mausoko hatán,
“Plástiku, ai-kesak, kabaas,
goma no surat-tahan.”
Mena dehan, ”Sasán
prontu ona, mai ita
halo ona papagaiu.”
Mauno hatutan, “Di’ak liu
ita taru de’it, sé nian
papagaiu mak hotu uluk.”
Sira hotu hahú halo papagaiu.
Mauno nian hotu uluk, no tuirmai
Mausoko ho nia belun sira-nian
mós hotu.
Sira hahú dada papagaiu.
Mausoko-nia papagaiu
dada semo aas loos, maibé
Mauno-nia papagaiu dada
la semo.
Mauno bá foti nia
papagaiu ho triste.
Mena hateten,
”Ó nia papagaiu halo
sala karik?”
Lafaek Ki’ik mai no esplika,
“Papagaiu atu semo ho di’ak,
ita presiza sukat ho loos atu
papagaiu-nia todan hanesan.
Presiza mós hetan tulun husi
anin atu fó forsa hodi bele
semo aas.”
Sira hotu tulun Mauno hadi’a
filafali nia papagaiu.
Ikusmai, sira hotu haksolok haree Mauno-nia papagaiu
ne’ebé hetan tulun husi anin, hodi semo aas loos.
