PASCOELA FATIMA SEQUEIRA HANESAN KOORDENADORA
IHA PRE-ESKOLÁR BELUN SANTA RAFAELA BAZARTETE, LIQUIÇA.
Ha’u sente kontente tebes tanba liuhusi Revista Lafaek
ba manorin, hanesan matadalan ne’ebé tulun ha’u iha
prosesu aprendizajen. Buat ne’ebé ha’u aprende hosi
Revista Lafaek mak hanesan; Kriatividade oioin, literasia
no numerasia. Husu ba kolega manorin sira, Revista
Lafaek hanesan referénsia ida ba ita hotu. Atu halo
ita-nia prosesu aprendizajen sai di’ak liután. Bainhira ami
simu Revista Lafaek, ha’u gosta lee uluk konteúdu,
hafoin hapar ho planu sesaun. Dalabarak ha’u uza
Revista Lafaek tanba fasil tebes atu halo tuir. Ezemplu;
literasia, numerasia no halimar dada liña, prienxe liafuan
ne’ebé falta no kriatividade.
Ha’u baibain uza metodolojia partisipativu iha aula
laran. Ezemplu; Kria grupo ki’ik ba kanorin hodi halo
atividade, animasaun liuhosi jogu ka múzika ruma,
sempre rai kanorin sira-nia rezultadu atividade iha sala
laran. Dala barak ha’u uza Revista Lafaek atu halo
atividade literasia nian liga ho fonétika.
Iha literasia, kanorin uza istória badak iha Revista Lafaek
hodi buka son husi letra, tanba sira bele lee hosi dezeñu
maski sira seidauk hatene lee. Iha numerasia sira aprende
sura no identifika númeru sira liuhosi objetu oioin.
Tuir ha’u-nia hanoin Revista Lafaek di’ak no kapás tebes,
mantein nafatin hanesan ne’e. Husu, bele karik
koordenadór ka diretór sira kria regra ida ba eskola sira
hotu atu rai didi’ak Revista Lafaek sira-ne’e no bele halo
arkivu kada edisaun.
