Iha Tempu feriadu, Riko ho Lafaek Prima bá vizita avó iha foho ho bis.
Iha dalan sira hetan buat oioin hanesan foho, ai-horis ne’ebé matak
no rona manu-fuik nia lian furak.
To’o iha avó nia uma, sira han fehuk no talas. “Avó ai-han sira-ne’e sosa iha
ne’ebé?” Riko husu. Avó hamnasa de’it.
Matabixu hotu tiha, avó lori sira bá iha to’os ne’ebé besik uma-hun.
Iha to’os, sira tulun avó hamoos du’ut. Riko hetan pateka fuan boot.
Riko lolo liman atu ku’u pateka, buat ida belit iha pateka nia lolon, Riko lori
ai sukit, buat ne’e monu no dolar sa’e Riko nia ain. Riko hakilar
“samea..a…a…!”
Lafaek Prima ho avó halai mai. Avó hamnasa tebes, tanba la’ós samea maibé
lakataru. Lafaek Prima foti tiha lakataru ne’e hatudu ba Riko. “Lalika ta’uk
Lakataru la tata.”
Sira fila bá uma. Riko lori pateka,
Lafaek Prima lori lakeru.
Teki-teki Riko namdoras, pateka monu nakfera. Riko kaer ulun,
“Aiaa, ha’u-nia pateka…! Avó dehan, lalika triste pateka sei barak.
To’o iha uma avó foti hudi kukus husi sanan laran hodi sira han.
Riko no Lafaek Prima han ho kontente.
“Ahaa…ha’u sei hateten amá atu halo kantreiru besik uma-huun, tanba
ami-nia bee estraga de’it.” Ajai ko’alia.
“Loos duni ne’e ideia di’ak. Tanba modo kuda rasik fresku no iha nutrisaun barak liu fali ida ne’ebé
ita sosa iha loja.” Lafaek Prima hateten. Sira hotu doko ulun. Sira
fila bá uma konta tuir ba sira-nia inan-aman. Ikusmai, sira-nia to’os
uma-hun nakonu ho modo no ai-fuan oinoin.
Tempu to’o ona sira fila husi foho.
Sira lori modo oinoin nomós fini balun hodi bá kuda. Ajai ho Bidoe sira hein
hela Riko no Lafaek Prima. Molok tuun husi bis, Ajai halai bá hasoru hodi tulun
hi’it bote ki’ik.“Uiii…pateka…pateka…!”
Ajai hakilar.” Riko fera pateka hodi fahe ba sira,
Riko konta ba sira kona-ba Avó nia to’os uma-hun.
Foti Husi: Lafaek Prima, Edisaun 3/2019
