Iha kalan ida, Mau Sesta ho nia belun sira lee livru kona-ba
preistória no sira iha hanoin atu halo viajen bá fatin ne’e.
Antes atu halo viajen, sira bá husu
informasaun iha Maun Lafaek.
Mau Sesta ho nia belun sira, prepara sasán atu halo viajen bá fatin ne’ebé sira haree iha livru laran.
Iha karreta laran, ho kontente Mau Sesta loke no
haree livru preistória ne’e dala ida tan.
To’o iha fatin ne’ebá, sira mós monta tenda
akampamentu hodi deskansa.
Iha dadeer, Mau Sesta bá hariis iha mota.
Teki-teki, Mau Sesta sama kois fatuk halo nia monu.
Mau Sesta nia toalla monu taka ba ruin ida.
Ho ta’uk, nia bolu nia belun sira no sira haree ruin
boot ida.
Ho nune’e, sira hotu hahú ke’e rai atu deskobre ruin ne’e.
Hafoin ke’e, Mau Sesta ho nia belun sira lori ruin ne’e bá iha muzeu no sira mós monta tuir livru
ne’ebé sira haree. Ikusliu, sira deskobre katak ida-ne’e maka ruin husi animál tempu uluk ne’ebé
ho naran Dinosauru.
Foti Husi: Lafaek Prima, edisaun 2/2021
