“Hakarak susesu, tenke forsa hodi hasoru dezafiu oioin.”
Maria Vitória da Costa Borges kantora famoza ne’ebé koñesidu ho naran MARVI.
MARVI dehan, “Feto hotu-hotu atu sai lideransa ida,
hahú lidera iha uma-laran, hafoin maka bele lidera iha
komunidade no sosiedade.”
Nia mós fó ezemplu katak, uluk liu nia gosta lidera labarik
ki’ik sira hodi aprende hamutuk, bainhira nia bá aprende
iha eskola ka kursu hodi mai fahe fali ba nia alin sira no
labarik sira ne’ebé hela besik nia.
MARVI hatutan katak, “Atu sai lider tenke forte, aprende no estuda maka’as, liuliu fahe motivasaun ba ema sira ho dalan loos. Tanba ho ida-ne’e de’it mak ita bele sai lider ne’ebé forte, ho nune’e ema seluk ne’ebé hakarak la’o tuir bele aprende buat di’ak hosi ita. Tenke sai labarik ne’ebé matenek hodi kontribui ba nia an rasik no nasaun, tanba sira maka sei lori no dezenvolve nasaun ida-ne’e sai di’ak liután iha futuru.”
Lia-menon:
Ba alin sira, sé imi hakarak susesu tenke taka tilun no hamriik metin ho forsa hodi hasoru mundu nia
barullu. Atu sai susesu tenke forte, pasiénsia no haraik-an tanba ne’e importante ba ita-nia futuru.
“Hakarak susesu, tenke forsa hodi hasoru dezafiu oioin.”
Foti husi: Lafaek Prima, Edisaun 2/2021
