Haii belun sira, ha’u-nia naran Nazio da Costa Alves
husi munisípiu Manatuto.
Ha’u kontente tebes simu Revista Lafaek tanba iha
istória no Matemátika. Dezeñu sira mesak kapás loos,
halo ha’u gosta atu lee. Bainhira Revista mai tarde,
ha’u sente triste tanba hanoin Revista la mai ona.
Ha’u gosta estuda Matemátika no gosta hanorin
hakerek lee no sura númeru ba ha’u-nia alin uza
Revista Lafaek Ki’ik. Ikusmai alin mós komesa hatene
lee, hakerek no sura.
Ha’u mós gosta lee istória sira iha Revista Lafaek Prima.
Ha’u gosta loos istória Nunu no Hunu Ku’u Nuu.]
Nunu ho Hunu hatudu ezemplu di’ak hodi tulun malu atu ku’u nuu.
Ha’u-nia mehi aban-bainrua hakarak sai manorin atu hanorin alin ki’ik sira sai matenek.
Foti Husi: Lafaek Prima, Edisaun 3/2020
