Hakerek-na’in maka knaar ba ema ne’ebé halo servisu hanesan hakerek. Nia hakerek hanoin sira no ideia atu sai
istória, artigu, poezia no seluk tan. Obra sira ne’e tau iha jornál, revista no internét.
Mana Este mós nu’udar hakerek-na’in ida. Nia hakerek istória, poezia, artigu, ai-knanoik atu publika iha nia pájina
internét. Mana nia istória sira publika ona iha jornál.
Atu hakerek mana Este hahú buka tópiku ezemplu hanesan ambiente. Tuirmai hakerek iha kadernu no hatama
ba iha komputadór. Ikusmai publika ba iha jornál no internét.
Mana mós tuir grupu ho naran “Grupu Hakerek Kriativu” sira hakerek livru ida ho títulu “Hakerek Kriativu.”
Mensajen husi livru ne’e maka bainhira hakerek importante liu mak ita hakerek presiza fó matenek no mensajen morál
ba lee-na’in sira.
Lia menon husi Mana Este:
Atu sai hakerek-na’in presiza sai lee na’in-di’ak, rona-na’in di’ak no presiza simu krítika husi ema. Tenke kuda kultura
lee, signifika katak hatoman an lee beibeik.
Foti Husi: Revista Lafaek Prima, Edisaun 1/2019
